აფეთქება და შტურმი გაბრიელ სალოსის ქუჩაზე - ადგილობრივები კორპუსში დანგრეული ბინის ფოტო მასალას ავრცელებენ
„აფეთქებების ხმამ და სროლამ გამოიწვია მოსახლეობის პანიკა. სადარბაზო დაცალეს, სადაც სავარაუდოდ ეს ტერორისტები ცხოვრობდნენ და ფოტო მასალა გვაქვს. სავარაუდოდ, გამოყენებულია ალბათ, ასაფეთქებელი საშუალებები,“ - აცხადებს ადგილობრივი მცხოვრები ანა კობახიძე.
ადგილობრივთა ნაწილი კი, "რუსთავი 2"-თან საუბრისას აცხადებს, რომ სადარბაზოს პირველი და მეორე სართულის მცხოვრებლების ევაკუირება არ მომხდარა და მოქალაქეები საცხოვრებელ კორპუსში, სადაც სპეცოპერაცია მიმდინარეობს, ამ დრომდე რჩებიან.
სპეცოპერაცია გაბრიელ სალოსის ქუჩაზე უკვე 15 საათზე მეტია მიმდინარეობს. გავრცელებული ინფორმაციით, პირები რომელთა დაკავებასაც ამ წუთებში სპეციალური დანიშნულების რაზმის წევრები ცდილობენ, საქართველოს მოქალაქეები არ არიან და ისინი ტერორიზმში არიან ეჭვმიტანილი.
გაბრიელ სალოსის გამზირზე, სადაც ანტიტერორისტული ოპერაცია მიმდინარეობს, სამაშველო სამსახური შეიყვანეს. ადგილზე მობილიზებულია სასწრაფო სამედიცინო დახმარების ბრიგადები.
Comments
Post a Comment