კახა კალაძე მერის ხელფასზე უარს ამბობს

დედაქალაქის მერიის ცნობით, კალაძე მერის ხელფასს საკუთარი მოხმარებისთვის არ გამოიყენებს და ის სხვადასხვა სოციალურ საჭიროებებს მოხმარდება.

„მერის ანაზღაურება 3 180 ლარია. კალაძე ამ თანხას საკუთარი მოხმარებისთვის არ გამოიყენებს. მერის ხელფასი მოხმარდება სოციალურ საჭიროებებს. ძალიან ბევრი განცხადება შემოდის და ყველაფერს მერია ვერ გაწვდება. შესაძლოა პირის მდგომარეობა ვერცერთ სოციალურ პროგრამას ერგება და შესაბამისად, სახელმწიფო ვერ უზრუნველყოფს. სწორედ მსგავს საჭიროებებზე იქნება მიმართული კახა კალაძის ხელფასი თბილისის მერის თანამდებობაზე“, – აცხადებენ მერიაში.

კალაძე ხელფასს ენერგეტიკის მინისტრის პოსტზე ყოფნის დროსაც არ იღებდა.

კახა კალაძე მერის უფლებამოსილების შესრულევბას 13 ნოემბერს შეუდგა. 21 ოქტომბერს საქართველოში ჩატარებული თვითმმართველობის არჩევნების შედეგების მიხედვით, კალაძემ არჩევნებში ხმების 51.09% მიიღო.